მახინჯაური-მწვანე კონცხი
ბათუმიდან მწვანე კონცხზე მოსახვედრად 9 კმ-ის გავლა დაგჭირდებათ, მახინჯაურამდე მანძილი კი მხოლოდ 7 კმ-ია. მწვანე კონცხი ერთ-ერთი უნიკალური ადგილია საქართველოში, სწორედ აქ მდებარეობს ას წელზე მეტი ხნის ბათუმის უნიკალური ბოტანიკური ბაღი, რომელიც მსოფლიოს ყველა კუთხიდან ჩამოტანილ იშვიათი მცენარეებს უყრის თავს. ბაღი 3 პარკად არის დაყოფილი, აქვს 9 ფლორისტული განყოფილება და კოლხური ნაკრძალი. აქ შეხვდებით 5000-მდე ბალახოვან და 1800-მდე მერქნიან მცენარეს.
ამ ადგილების უნიკალური მიკროკლიმატი, ზღვისა და მთების სიახლოვე შესანიშნავ საშუალებას იძლევა დასვენებისა და გაჯანსაღებისთვის.
სიმწვანეში ჩაფლული სანაპირო კენჭიანია, წყალი კი საოცრად სუფთა და კრიალა. განსხვავებული ჰავა ხელს უწყობს ზღვის ამ ნაწილში მრავალი სახეობის თევზის არსებობას. წყლის სისუფთავისა და განსაკუთრებული მდებარეობის გამო, მწვანე კონცხთან დაივინგიც შესაძლებელია. ასე, რომ, თუ საზღვაო აქტივობები თქვენი ჰობია ან, უბრალოდ, წყალქვეშა სამყარო გაინტერესებთ, მწვანე კონცხს აუცილებლად უნდა ესტუმროთ.
მახინჯაური ცნობილია თავისი ,,გოგირდის აბანოებით“. სამკურნალო-გამაჯანსაღებელი კომპლექსი მას შემდეგ შეიქმნა, როდესაც ერთ-ერთმა დამსვენებელმა სამკურნალო თერმული წყაროები აღმოაჩინა (ამჟამად მიმდინარეობს კომპლექსის რეაბილიტაცია).
მახინჯაურის პატარა, კენჭოვან სანაპიროს სიმწვანეში ჩაფლული ბორცვები დაჰყურებენ. აქ, ზღვაზე მკურნალობის საუკეთესო ფაქტორად ყოველთვის ჰელიოთერაპია ითვლებოდა.
ორივე ადგილიდან ახლოსაა მტირალას ეროვნული პარკი და გადამფრენ ფრინველებზე დაკვირვების პლატფორმები.
მუზეუმი ბათუმი
მოედნები და პარკები ბათუმი
მოედნები და პარკები ბათუმი
ქანდაკებები, ინსტალაციები და შადრევნები ბათუმი
მუზეუმი ბათუმი
სასტუმრო ბათუმი
სასტუმრო ბათუმი
სასტუმრო ბათუმი
აპარტოტელი ბათუმი
სასტუმრო ბათუმი
სასტუმრო ბათუმი
პაბი ბათუმი
კაფე ბათუმი
თევზის რესტორანი ბათუმი
რესტორანი ბათუმი
ყავის სახლი ბათუმი
რესტორანი ბათუმი
ბავშვთა გასართობი ცენტრი ბათუმი
ველოსიპედი ბათუმი
ბავშვთა გასართობი ცენტრი ბათუმი
მასაჟი ბათუმი
სპორტული აქტივობა ბათუმი
აუზი/სპა/ფიტნესი ბათუმი