პიაცა

ბათუმის პიაცა ზღვისპირა ქალაქის ერთ-ერთი ყველაზე პოპულარულიღირსშესანიშნაობაა, რომელსაც უამრავი ადგილობრივი თუ ჩამოსულიმნახველი სტუმრობს. ეს ტურისტებისთვის საყვარელი ადგილი ქალაქის ძველდა ისტორიულ უბანში მდებარეობს, ზღვასთან და ნავსადგურთან ახლოს.

ბათუმის პიაცა ნიჭიერი ქართველი არქიტექტორის ვაჟა ორბელაძის შთაგონების ნაყოფია, რომელიც მანამდე თბილისის, სიღნაღისა და თელავის ისტორიული ნაწილების რეკონსტრუქციაში იყო ჩართული.

პიაცა ეს არის ულამაზესი, მყუდრო მოედანი, რომლის ირგვლივ განთავსებულიაკაფე - ბარები, რესტორნები, ღია სცენა, ბავშვთა გასართობი ცენტრი, საათი მოძრავი ფიგურებით და ნეობაროკოს სტილში აშენებული შენობები. ყველა მათგანი შესანიშნავად ეხამება ერთმანეთს და მთლიანობაში სასიამოვნო დასაინტერესო კომპლექსს წარმოადგენს.

პიაცა მთლიანობაში 5700 კვ. მ. ფართობს მოიცავს. აქ მდებარე შენობები უხვადაა დეკორირებული გამორჩეული მხატვრული, მოზაიკური და ვიტრაჟულიხელოვნების ნიმუშებით, განსაკუთრებით ზღვის ქალღმერთებით, რითაცვენეციის სან მარკოს მოედანს მოგაგონებთ. 

პიაცა განსაკუთრებით შთამბეჭდავია  საღამოს, როცა სცენიდან  ცოცხალიმუსიკა იღვრება, ირგვლივ კი საოცარი სილამაზე და სიმყუდროვე სუფევს. პიაცასმთავარ მშვენებას ულამაზესი მოზაიკა წარმოადგენს, რომელიც მოედნისცენტრშია განთავსებული. მოზაიკა ერთ-ერთი უდიდესია ევროპაში, რომელიცმსოფლიოს თხუთმეტ ქვეყანაში შეგროვებული თითო კვადრატულისანტიმეტრის ზომის ასიათასობით დაჭრილი და დამუშავებული მარმარილოს ფირფიტისაგან შეიქმნა.

ამ შესანიშნავ მოზაიკურ კომპოზიციაზე 2010 წელს  იმუშავა ქართველმადიზაინერმა ნატალია ამირეჯიბი დე პიტამ. მოზაიკა დამზადდა აბუ-დაბიში, კომპანია „ფანტინი მოზაიჩის“ სახელოსნოში.

მოედნის მთავარი კონსტრუქციაა მაღალი კოშკი მუსიკალური საათით, რომელიც ყოველ 3 საათში ერთხელ ზარის დახმარებით საქართველოს ჰიმნს ან ბათუმისადმი მიძღვნილ მელოდიას უკრავს. ამ მელოდიების ფონზე, ზარების ქვეშ იხსნება კარი, საიდანაც ეროვნულ ქართულ სამოსში გამოწყობილიფიგურები გამოდიან. ამ დროს, პიაცას ყველა სტუმრის ყურადღება ამ სანახაობაზეა მიპყრობილი.