მანძილი ბათუმიდან: 40 კმ

ფართობი: 452  კვ კმ

მოსახლეობა: 21,2 ათასი

www.keda.ge 

მეღვინეობა–ქართველთა უძველესი საქმიანობაა. აჭარაში მეღვინეობის კერად მიჩნეულია ქედის მუნიციპალიტეტი. აქ რამდენიმე ათეული  ჯიშის  ყურძენი ხარობს, რომელთაგან ყველაზე ცნობილი ქედის ცოლიკაური და ჩხავერია. ჩხავერი– იშვიათი ჯიშის ყურძენია, რომლისგანაც ვარდისფერი ღვინო მზადდება.  ცოლიკაური კი  ყველაზე გავრცელებული თეთრყურძნიანი ვაზის ჯიშია, მისგან სუფრის ღვინოს, ცოლიკაურს ამზადებენ. ქედის რაიონის სოფლებში მოსახლეობა პროფესიონალურად მისდევს მეღვინეობას. აქ ზემოთ ნახსენები ღვინოების დაგემოვნება პირდაპირ მარნებშია შესაძლებელი. ქედა მდიდარია ჩანჩქერებით (მერისის, მახუნცეთისა და გობრონეთის ჩანჩქერები), მდინარეებით, ისტორიული ღირსშესანიშნაობებით, ქვის თაღოვანი ხიდებით, ციხე-სიმაგრეებით, ტაძრების ნაშთებით, მუზეუმებითა და ტრადიციული აჭარული სოფლებით.
საოჯახო სასტუმროებისა და კვების ობიექტების სიმრავლე ქედაში დასვენებას უფრო კომფორტულს, სასიამოვნოსა და დასამახსოვრებელს ხდის.

ძირითადი აქტივობები ქედაში:

1. დააგემოვნებთ ადგილობრივი წარმოების ვაზის ჯიშებისგან დამზადებულ ღვინოსა და ჭაჭას;
2. ისწავლით  აჭარულ პოლიფონიურ სიმღერას  ადგილობრივ პროფესიონალი შემსრულებლებისგან;
3. გასინჯავთ მდინარის კალმახს და დააგემოვნებთ კოკოტაურის მინერალურ  წყალს;
4. შემოდგომაზე, მონაწილეობას მიიღებთ ყურძნის კრეფასა და ღვინის დაწურვის პროცესში ადგილობრივ მეღვინეებთან ერთად; 
5. გადაიღებთ შთამბეჭდავ და დასამახსოვრებელ ფოტოებს ქედის სოფლებში, მახუნცეთისა და დანდალოს ისტორიული ხიდების ფონზე;

ძირითადი მოსანახულებელი ობიექტები ქედაში:

მახუნცეთის ქვის თაღოვანი ხიდი (XII საუკ.);
დანდალოს ქვის თაღოვანი ხიდი (X საუკ.);
მიწის  ხიდი  საღორეთში (XI-XII საუკ.); 
ცივასულას ციხე(XII-XIII საუკ.);
საღორეთის ციხე (XI-XII საუკ.);  
გულების ციხე(XII-XIII საუკ.);
ზენდიდის ციხე (XVII-XIX საუკ.).

ძირითადი ადგილები ქედაში, სადაც ესტუმრებით ღვინის მარნებს, შეიძენთ ღვინოსა და ჭაჭას:
ქედის მუნიციპალიტეტის სოფლებში - პირველი მაისი, ვაიო, დანდალო, გეგელიძეები, კორომხეთი, მერისის ხეობა, გობრონეთი არის საოჯახო სასტუმრო სახლები, სადაც შეძლებთ  ღამისთევასა და დასვენებას ერთი ან სულაც რამდენიმე დღით, ადგილზე შეძლებთ ტრადიციული აჭარული  სოფლის ყოფა-ცხოვრების გათავისებას, ნატურალური პროდუქტებისგან მომზადებული კერძების დაგემოვნებას, კულინარულ მასტერ კლასებში მონაწილეობის მიღებასა და სიმღერის შესწავლასაც კი.

ღამისთევა სამჯერადი კვებით - 50 ლარიდან.

მარკირებული  საფეხმავლო მარშუტები: გობრონეთი -ლატევრა.

ტრანსპორტი:

მიკროავტობუსი ბათუმი-ქედა, ბათუმის ცენტრალური ავტოსადგური (მაიაკოვსკის ქ. №1);

მგზავრობის ღირებულება - 3-4 ლარი; 
შიდა სასოფლო ტრანსპორტი კი გადის უშუალოდ ქედის მუნიციპალიტეტის ცენტრიდან.

გაზიარება

სად დავრჩე

ყველა
"მზესოფელი"
"მზესოფელი"

საოჯახო სასტუმრო ქედა

პანო ბლუბერი
პანო ბლუბერი

კოტეჯი ქედა

დაიანას სახლი
დაიანას სახლი

საოჯახო სასტუმრო ქედა

კვება

ყველა
მასპინძელი
მასპინძელი

რესტორანი ქედა

ვაელი
ვაელი

ღვინის მარანი ქედა

ღვინის მხარე • Wineland
ღვინის მხარე • Wineland

ღვინის მარანი ქედა

დოლოგანის ხეობა
დოლოგანის ხეობა

რესტორანი ქედა

ჯაბნივი
ჯაბნივი

რესტორანი ქედა

წყავნარა
წყავნარა

რესტორანი ქედა