გოდერძი

მაღალმთიან აჭარაში,  გოდერძის უღელტეხილზე მდებარე კურორტი გოდერძი ზღვის დონიდან 2350 მ.-ზე მდებარეობს, ბათუმიდან 105 კმ.-ის დაშორებით.

რეგიონში, კურორტ გოდერძის  ყველაზე გრძელი სათხილამურო ტრასა აქვს, რომლის საერთო სიგრძე 8 კმ.-ია. მუშაობს ორი სახის საბაგირო გზა- რვა ადგილიანი გონდოლა და ექვს ადგილიანი ბაბლი. კურორტზე შესაძლებელია თხილამურის, ციგის ან სნოუბორდის დაქირავება, ასევე -ინსტრუქტორის მომსახურებით სარგებლობა.

დამსვენებლის განკარგულებაშია კეთილმოწყობილი სასტუმროები და კომფორტული კოტეჯები, მაგრამ იმ შემთხვევაში, თუკი სრიალთან ერთად თავგადასავალსაც ეძებთ, შეგიძლიათ კურორტიდან 3 კმ.-ში მდებარე სოფელ დანისპარაულში მდებარე საოჯახო სასტუმროებში დარჩეთ, სადაც ისე მიგიღებენ, როგორ ოჯახის წევრს და უგემრიელესი ადგილობრივი კერძებითაც გაგიმასპინძლდებიან.

კურორტ გოდერძის მონახულება წელიწადის ნებისმიერ დროს სასიამოვნოა, თუმცა განსაკუთრებით უალტერნატივოა ცხელი ზაფხულის დღეებში, როცა ყველაზე მეტად სიგრილეში თავის შეფარება გსურთ და არც ახალი ადგილების აღმოჩენაზე იტყოდით უარს.