ტურისტული თავშესაფარი ჯვარიმინდორზე

მაღალმთიან აჭარაში ტურისტული თავშესაფრი მოეწყო.

პირველი ტურისტული თავშესაფარი მოეწყო შუახევის მუნიციპალიტეტში, ჯვარიმინდორზე,  სოფელ ცხემლისის საზაფხულო იაილებზე, ზღვის დონიდან 2000 მ. სიმაღლეზე.  ჯვარიმინდორზე გადის ყველაზე გრძელი, 88 კილომეტრიანი ქსელური მარშრუტი კინტრიში-გომისმთა-ცხემლისი-ხაბელაშვილები და ასევე წარმოადგენს გზაგასაყარს, სადაც კინტრიშის დაცული ტერიტორია, შუახევის მუნიციპალიტეტი და გურიის რეგიონი ერთმანეთს უკავშირდება.

იქიდან გამომდინარე, რომ ჯვარიმინდორი ყველაზე გრძელი საფეხმავლო მარშრუტის ერთ-ერთი მთავარი ლოკაციაა, მიზანშეწონილია, რომ ტურისტული თავშესაფარი სწორედ აქ მოეწყო , სადაც შორ გზაზე მიმავალ მგზავრს საშუალება ექნება შეისვენოს და საჭიროების შემთხვევაში, ღამეც გაათიოს.

ეკო სტანდარტების მიხედვით დაპროექტებული თავშესაფარი საკმაოდ ფუნქციონალურია - მოსასვენებელი, საძინებელი და სამზარეულო სივრცეებით, უზრუნველყოფილი ელექტროენერგიით, წყლით, სველი წერტილითა და ღია საშხაპით. თავშესაფარი გათვლილი იქნება 10-15 ადამიანზე.

პროექტი დასრულებულია

დასაწყისი -  2021 წელი

დასრულება - 2022 წელი