ბათუმის ბოტანიკური ბაღი ქალაქის ერთ-ერთი მთავარი ღირსშესანიშნაობაა, რომელიც გამორჩეულია თავისი მდებარეობით, უნიკალური ფლორისტული დაგეგმარებით, სუბტროპიკულ მცენარეთა კოლექციით, საუკუნოვანი მერქნიანი ხეებითა და პანორამული ხედებით შავ ზღვაზე. ბაღი ბათუმიდან 9კმ-ის მოშორებით მწვანე კონცხის ტერიტორიაზე მდებარეობს. ბოტანიკურ ბაღში 9 ფლორისტული განყოფილება, 3 პარკი და კოლხური ნაკრძალია. აქ შეხვდებით 1800-მდე მერქნიან და 5000-მდე ბალახოვან მცენარეს. ბოტანიკური ბაღი იდეალური ადგილია ბუნებაში დასვენების მოყვარულთათვის.