ასტრონომიული საათი

ასტრონომიული საათი - არქიტექტურული ღირსშესანიშნაობა ძველი ბათუმის ტერიტორიაზე, რომელიც განთავსებულია საქართველოს ეროვნული ბანკის რესკონსტრუირებულ კოშკზე. 

სპეციალური მექანიზმით აღჭურვილი "ასტრონომიული საათი", რომელიც რეალური დროის ჩვენების პარალელურად, საშუალებას გვაძლევს გავიგოთ ასტრონომიული ინფორმაცია. კერძოდ: მზის, მთვარის, ზოდიაქოს თანავარსკვლავედისა და პლანეტების განლაგება. ასევე, ის უჩვენებს მერიდიანს, ჰორიზონტს, მზის გადაადგილების მიხედვით მზის ამოსვლისა და ჩასვლის დროს, მთვარის ასაკსა და მთვარის რეალურ მოძრაობას დედამიწის გარშემო. 

ასტრონომიული საათი ბათუმის საკრებულოს 2010 წლის გადაწყვეტილებით გერმანიაში შეუკვეთეს და მისი დამზადება 1 700 000 ლარი დაჯდა. კოშკზე დამონტაჟებული საათი, ისეთივეა, როგორიც პრაღის რატუშაზე.

საათის წინ, დგას დაფა სადაც ნათლადაა ახსნილი ასტრონომიული საათის დანიშნულება და გამოყენების წესები.