ქობულეთი

ქობულეთი აჭარის შავიზღვისპირეთის ერთ-ერთი მთავარი ქალაქია, რომელიც ბათუმიდან ჩრდილოეთით, 20კმ-ის დაშორებით მდებარეობს სუბტროპიკული კლიმატის ზონაში.

ზამთარში ტემპერატურა იშვიათად ჩამოდის +5 °C-ზე ქვემოთ, ზაფხულში კი +25°C /+30°C ფარგლებში მერყეობს.

ზღვა თბება 27°C -მდე. პლაჟი საკმაოდ გაშლილია, ბათუმის მსგავსად კენჭოვანი, ძირითადად წვრილი კენჭებით.

ქობულეთი პატარა ქალაქია და ნებისმიერი წერტილიდან ზღვაზე რამდენიმე წუთში მოხვდებით. ქალაქში ყველა კატეგორიის სასტუმროს შეხვდებით. აქ უხვად არის კაფეები, რესტორნები, ბარები და ღამის კლუბები.

ცალკე აღნიშვნის ღირსია ქალაქის პარკი, რომელიც ზღვის სანაპირომდე გრძელდება. მრავალწლოვანი ფიჭვნარი აქ განსაკუთრებულ მიკროკლიმატს ქმნის და კარგი დასვენებისკენ განგაწყობს.

ქობულეთთან ახლოს მდებარეობს ისტორიულ-არქელოგიური კომპლექსი პეტრას ციხე (VI საუკუნე), დაცული ეროვნული პარკები: ქობულეთის დაცული ტერიტორია, ისპანის ტორფნარი, მტირლას ეროვნული პარკი, კინტრიშის ეროვნული პარკი.

ქობულეთის მუნიციპალიტეტიდან სულ რაღაც 12 კმ.-ში მდებარეობს გასართობი ცენტრი „ციცინათელა“.