ხულო

ხულო

მანძილი ბათუმიდან: 85 კმ

ფართობი: 710 კვ/კმ

მოსახლეობა: 16,342 ათასი

www.khulo.ge

ხულო ყველაზე მაღალმთიანი მუნიციპალიტეტია აჭარაში, რომელიც მდიდარია ისეთი ისტორიული ღირსშესანიშნაობებით, როგორებიცაა შუა საუკუნეებში აგებული ხიხანის ციხე და სხალთის მონასტერი, ასევე, ბუნებრივი რესურსებით, მინერალური წყლებით, ფლორითა და ფაუნით. მუნიციპალიტეტი ცნობილია თავისი კურორტებით: ბეშუმი, გოდერძი და ქედლები. ხულოს ბუნებრივ ღირსშესანიშნაობათა შორის გამოირჩევა მწვანე ტბა, რომელიც კურორტ გოდერძიდან 6 კმ-ის მოშორებით მდებარეობს, აქვე, გოდერძიდან რამდენიმე კილომეტრშია ალპური ბოტანიკური ბაღიც. ხულოში ყოფნისას, აუცილებლად უნდა დააგემოვნოთ ტრადიციული, ამ კუთხისთვის დამახასიათებელი კერძები: კაიმაღი, ბორანო, სინორი, ნაღბიბორა და სხვა.

ძირითადი აქტივობები:

1. გაეცნობით ადგილობრივ უხუცესთა ანსამბლ „ბერმუხას“ და დატკბებით მათი განსაკუთრებული ქორეოგრაფიული შესრულებით;
2. ზაფხულში იცურავებთ მწვანე ტბაზე და დალაშქრავთ ხიხანის ციხეს;
3. მოინახულებთ XII-XIII საუკუნეში აგებულ ისტორიულ სხალთის მონასტერს;
4. დააგემოვნებთ ადგილობრივ კერძებს, რძის პროდუქტებს, ეკოლოგიურად სუფთა ბოსტნეულსა და ხილს.

ძირითადი მოსანახულებელი ობიექტები:
1. ალპური ბოტანიკური ბაღი
2. ხიხანის ციხე (XII)
3. კომპლექსი ციხისყელი-ვარციხე (XI)
4. სხალთის მონასტერი (XII)
5. უჩხოს ხიდი (XI-XIII)
6. შერიფ ხიმშიაშვილის მუზეუმი სხალთის ხეობაში

ხულოს მუნიციპალიტეტის სოფლებში ხიხაძირი, დანისპარაული, ელელიძეები, თაგო და სხალთა შესაძლებელია ღამისთევა ერთი ან რამდენიმე დღით. აქ თქვენ შეიგრძნობთ ტრადიციული აჭარული სოფლის ყოფა-ცხოვრებას, მიირთმევთ ნატურალური პროდუქტებისგან მომზადებულ ეკოლოგიურად სუფთა კერძებს და მიიღებთ მონაწილეობას კულინარიულ მასტერკლასებში.

ღამისთევა სამჯერადი კვებით - 50 ლარიდან.

მარკირებული საფეხმავლო მარშრუტები:
ხიხანის ციხე (9,5 კმ), სოფელი თაგო – სხალთის ხეობა (9 კმ)

ტრანსპორტი:
მიკროავტობუსი ბათუმი-ხულო, ბათუმის ცენტრალური ავტოსადგური (მაიაკოვსკის ქ. №1); მგზავრობის ღირებულება - 5 ლარი;
შიდა სასოფლო ტრანსპორტი კი გადის უშუალოდ ხულოს მუნიციპალიტეტის ცენტრიდან.