მახუნცეთის ჩანჩქერი

ჩანჩქერები

შესავალი

აჭარის ხუთივე მუნიციპალიტეტში საკმაოდ მრავლად გვხვდება სხვადასხვაგვარი, დაახლოებით 5-დან 60 მეტრამდე სიგრძის, ერთ ან მრავალკასკადოვანი ჩანჩქერები, რომელთა უმეტესობა მთავარი გზებიდან მოშორებით მდებარეობს. ზოგიერთ მათგანთან მისვლა მანქანითაა შესაძლებელი, ზოგი ტურისტული მარშრუტის ნაწილია და ბოლომდე მხოლოდ ფეხით ადიან. ჩანჩქერთა უმრავლესობაზე ცურვაც დასაშვებია.

აჭარის მდინარეებზე კასკადურ ჩანჩქერებთან, ორ ადგილას არის შესაძლებელი კანიონზე დაშვება. ეს არის სოფლები კაპნისთავი (ხელვაჩაურის მუნიციპალიტეტი) და უჩხო (ხულოს მუნიციპალიტეტი). ორივე ლოკაციაზე მოწობილია კანიონინგისთვის საჭირო აღჭურვილობა, რაც ხელს უწყობს სათავგადასავლო ტურიზმის განვითარებას აჭარაში.

აჭარის საუცხოო, ავთენტიკურ ბუნებას მისი ჩანჩქერები გაცილებით შთამბეჭდავსა და მჩქეფარეს ხდის. ეს არის ადგილები, რომლებიც ქალაქის ხმაურსა და სტრესს დაგავიწყებთ, ბუნების ხმების მოსმენა კი სულიერადაც დაგასვენებთ.

მახუნცეთის ჩანჩქერი ულამაზესი და შთამბეჭდავია, ამიტომაც უამრავ მნახველს იზიდავს. ჩანჩქერზე ვიზიტისას შესაძლებლობა გაქვთ ეწვიოთ სხვა ტურისტულ ღირსშესანიშნაობებს, მათ შორის, თამარის თაღოვან ხიდს. აქვეა განლაგებული რესტორნის ტიპის კვების ობიექტები და საპიკნიკე ადგილები. ჩანჩქერის სიმაღლე 36 მეტრია.

სერვისები და ფასები:
აქ ვიზიტისას დაგხვდებათ მდინარე აჭარისწყლის საცურაო არეალი ქვიშის სანაპიროთი, კლდეებითა და ისტორიული ხიდით. ასევე, შესაძლებელია ნავით გასეირნება, ან ჯომარდობის მოწყობა. აქვეა განლაგებული რესტორნის ტიპის კვების ობიექტები და საპიკნიკე ინფრასტრუქტურა.

ადგილმდებარეობა:
მუნიციპალიტეტი— ქედა
სოფელი— მახუნცეთი

მანძილი:
ბათუმიდან— 30 კმ
უახლოესი რაიონული ცენტრიდან— 10 კმ

აღწერილობა:
ჩანჩქერის სიმაღლე (დაახლოებით)— 60 მ

ფეხით სავალი ნაწილი:
მანძილი— 80 მ
სირთულე—მარტივი

როგორ მოვხვდეთ:
სამანქანე გზის საფარი—ასფალტი

ტრანსპორტი:
ჩანჩქერამდე ადის ნებისმიერი ავტომობილი