მარშრუტის დეტალები:
მარშრუტზე მოგზაურობისას, ბილიკი საქართველო- თურქეთის საზღვარს უახლოვდება, რომლის გასავლელადაც საზღვრის დაცვის დეპარტამენტის მიერ გაცემული სპეციალური საშვი დაგჭირდებათ.
სოფ.მერისი-მთა კოსლითავი
მარშრუტი სოფელი მერისიდან იწყება და სამხრეთით იღებს მიმართულებას. 5 კილომეტრი გრუნტიანი სამანქანო გზის გავლის შემდეგ, სოფელ ჭალათია. სოფლის ტერიტორიაზე ორი ჩანჩქერია, რომელთა მოსანახულებლადაც გზიდან გადახვევაა საჭირო. პირველი ჩანჩქერის- გოდერძის ჩანჩქერის სანახავად კერძო საკუთრებაში მყოფი ეზო უნდა გაიაროთ და მდინარის ხეობისკენ დაეშვათ. ჩასვლა არ გაგიჭირდებათ, რადგან ჩასასვლელი საკმაოდ კარგად არის მოწყობილი. ჩანჩქერის მახლობლად, ნაპირზე საკმაოდ დიდი სივრცეა. მეორე ჩანჩქერთან მისასვლელად, უკან სოფელში ამობრუნდებით, იქ, სადაც გოდერძის ჩანჩქერისკენ გადმოუხვიეთ, 200 მეტრს გაივლით და გადაუხვევთ. ჩანჩქერამდე მანქანითაც შეგიძლიათ ჩასვლა. მდინარის ნაპირზე აშენებულია ფანჩატური. ჩანჩქერი აქედან 50 მეტრშია.
ჩანჩქერიდან სოფელში დაბრუნების შემდეგ, სვლას გრუნტიანი სამანქანო გზით მთა კოსლითავისკენ გააგრძელებთ. მარშრუტი ლამაზ, ტყიან მასივებს მიუყვება.
12 კილომეტრის გავლის შემდეგ, მთა კოსლითავის იაილაზე ახვალთ, საიდანაც მშვენიერი პანორამული ხედი იშლება. იაილადან ღომას მთის მიმართულებით გზის გასაგრძელებლად, სპეციალური საშვია საჭირო. ეს ტერიტორია სახელმწიფო საზღვართან ახლოს მდებარეობს და მისი გავლა მესაზღვრეების წინასწარი გაფრთხილების გარეშე შეუძლებელია.
სოფ.წაბლანა-მთა ღომა
სოფელი წაბლანადან მარშრუტი საკმაოდ ფართო, გრუნტიან საავტომობილო გზას მიუყვება, რომელზეც მსუბუქ ავტომობილებსაც შეუძლიათ გადაადგილება.
სოფლიდან 6,4 კილომეტრის გავლის შემდეგ იაილა ღომაზე ადიხართ, რომელიც საკმაოდ დიდ ტერიტორიას მოიცავს. ზაფხულში ამ ადგილს ადგილობრივი მოსახლეობა აქტიურად იყენებს დასასვენებლად. მოგზაურობა იაილადან სამხრეთით, ასევე გრუნტიანი სამანქანო გზით გრძელდება მთა ღომას მიმართულებით.
იაილა ღომადან 2 კილომერტში, ღომას მთის ასასვლელთან მესაზღრეთა პუნქტია. ღომას მთაზე ასვლა ჩვეულებრივად შესაძლებელია, ხოლო რაც შეეხება მთა კოსლითავს, როგორც ზემოთ ავღნიშნეთ, სახელმწიფო საზღვართან ახლოს მდებარეობს და გადასაადგილებლად სპეციალური საშვია საჭირო.
გაზიარება
მსგავსი მარშრუტები
სოფ. ოქტომბერი - მთა დიდვაკე - მთა ნაკონაღვარი - სოფ. მეძიბნა
სათავგადასავლო ქედა
სოფ. მილისი - მთა მილისი - მაჭახელას ეროვნული პარკი - სოფ. აჭარისაღმართი
სათავგადასავლო ქედა
ახო - ხინო(დიდვაკე) - ხინოწმინდა - ტბა ტბიყელი - მთა კაბანი - ჯვარიმინდორი
სათავგადასავლო ქედა