სარფის წმ. ანდრია პირველწოდებულის სახელობის ტაძარი

სარფის წმ. ანდრია პირველწოდებულის სახელობის ტაძარი - ჯვარგუმბათოვანი ეკლესია აჭარაში, სარფში, საქართველო თურქეთის საზღვართან.

წმ. ანდრია პირველწოდებულის სახელობის ჯვარგუმბათოვან ეკლესიას საძირკველი 2008 წელს ჩაეყარა და გაიხსნა 2012 წელს. ტაძარი უნიკალურია იმით, რომ მასზე ამოტვიფრულია ყველა ის უძველესი ქართული ორნამენტი, რომლებიც ტაო-კლარჯეთის ტერიტორიაზე მდებარე სხვადასხვა ქართული ეკლესია-მონასტრების კედლებზეა ამოკვეთილი.

ქვეყნის ერთ-ერთ მთავარ საზღვართან ტაძრის არსებობას თავისი პირდაპირი დანიშნულების გარდა სიმბოლური დატვირთვაც აქვს.