ჩირუხის ზიპლაინი

• შესანიშნავია ადრენალინისა და ექსტრემალური შეგრძნებების მოყვარულთათვის;
• ფიზიკური აქტივობაა- მიუხედავად იმისა, რომ დიდ ძალისხმევას არ მოითხოვს, მაინც ახდენს პოზიტიურ გავლენას სხეულზე;
• მსოფლიოში ერთ-ერთ ყველაზე ეკო-მეგობრულ ატრაქციად ითვლება;
• კარგი საშუალებაა ბუნების ულამაზესი ხედების დასათვალიერებლად;
• კარგი იდეაა გუნდური და ოჯახური გართობისთვის.

ზიპ-ლაინი ყველასათვის ხელმისაწვდომი აქტივობაა, თუმცა, გარკვეული შეზღუდვები მაინც არის:

რეკომენდებულია:

• ზრდასრულთათვის;
• სათავგადასავლო ტურიზმის მოყვარულთათვის;
• ბუნებისა და ექსტრემალური სპორტის მოყვარულებისთვის.

არ არის რეკომენდებული:

• 18 წლამდე ბავშვებისთვის;
• გულ-სისხლძარღვთა დაავადების მქონე პირებისთვის;
• ორსულებისთვის;
• სიმაღლის მიმართ ძლიერი შიშის მქონე ადამიანებისთვის.

თუ ზიპ-ლაინზე დაშვებას პირველად აპირებთ, სასურველია გაითვალისწინოთ შემდეგი საკითხები:

• ჩაიცვით კომფორტული ტანსაცმელი (სპორტული შარვალი ან შორტი) და დახურული ფეხსაცმელი (სანდლები და ფლოსტები არ არის რეკომენდებული);
• თუ აქტივობა მზიან ამინდშია დაგეგმილი, აუცილებლად იქონიეთ მზის სათვალე და მზისგან დამცავი კრემი;
• მოემზადეთ ფსიქოლოგიურად - კარგად გააანალიზეთ სიტუაცია რასაც აპირებთ, ენდეთ ინსტრუქტორს და მოემზადეთ ადრენალინისთვის!

ყველა ტიპის გამოწვევის დროს ფსიქოლოგიური მზაობა მნიშვნელოვანია, ექსტრემალურ აქტივობებში კი განსაკუთრებით საჭიროა, მათ შორის, რა თქმა უნდა, ზიპ-ლაინზე დაშვებისას.

ზიპ-ლაინით სარგებლობისას საჭირო ფსიქოლოგიური მზაობა მოიცავს შემდეგ ასპექტებს:

• საწყის ეტაპზე გააცნობიერეთ, რომ მსგავსი აქტივობებისას ემოციური ფონი და ნერვიულობა ნორმალურია;
• აუცილებელია შიშის მართვა - თავის დამშვიდება და სიმშვიდის შენარჩუნება (არსებობს გარკვეული ტექნიკები, როგორიცაა სუნთქვის კონტროლი და რელაქსაცია, რაც სიმშვიდისა და კონცენტრაციის შენარჩუნებაში დაგეხმარებათ);
• კონცენტრაციის შენარჩუნება და სტრესის მართვა - (აქტივობები ხშირად კონცენტრაციის უნარს და სწრაფ რეაგირებას მოითხოვს, რადგან ამ დროს სტრესის მართვა მნიშვნელოვან როლს თამაშობს);
• ინსტრუქტორის მითითებების დაცვა - მიჰყევით ინსტრუქტორის მითითებებს, რომელიც შიშის გადალახვაში დაგეხმარებათ;
• აღჭურვილობის სწორად გამოყენება - ჰარნესი (სპეციალური ქამარი) და ჩაფხუტი სწორად მორგებული უნდა იყოს;
• ინსტრუქტორის მითითებების დაცვა - ენდეთ ინსტრუქტორს და დეტალურად მიჰყევით მისგან მიღებულ ინსტრუქციას.

ზიპ-ლაინის ინსტრუქტორის უპირველესი ვალდებულება თითოეული ვიზიტორის უსაფრთხოებაზე პასუხისმგებლობის აღებაა. მან მაღალი დონის პროფესიონალიზმი უნდა გამოავლინოს, რათა სტუმარმა მაქსიმალურად დადებითი გამოცდილება მიიღოს და ახალი ენერგიით დაიმუხტოს.

ინსტრუქტორის ვალდებულებებია:

• ინსტრუქციის გაცემა- დეტალური, გასაგები და ზუსტი ინსტრუქციის გაცემა ზიპ-ლაინის გამოყენებისა და აღჭურვილობის შესახებ;
• აღჭურვილობის შემოწმება - ინსტრუქტორი უნდა დარწმუნდეს, რომ ყველა სტუმარი სწორად და უსაფრთხოდ არის აღჭურვილი, ყველაფერი უკეთია რაც საჭიროა და შეკრულიც აქვს;
• უსაფრთხოების ზომების მიღება - ინსტრუქტორმა წინასწარ უნდა გათვალოს ისეთი შემაფერხებელი ფაქტორები, როგორიცაა: ნისლი, ქარი, წვიმა, სიმაღლე, სიჩქარე და ა.შ.;
• უსაფრთხოების წესების დაცვა - ინსტრუქტორი უნდა დარწმუნდეს, რომ სტუმარი ნამდვილად გაეცნო უსაფრთხოების წესებს, რეგულაციებს და ემორჩილება ინსტრუქციას;
• სტუმრის ნერვიულობისა და შიშის მართვა - იმ შემთხვევაში, თუ ზიპ-ლაინით დაშვებამდე სტუმარი შიშს და დაძაბულობას განიცდის, ინსტრუქტორს ევალება მისი ფსიქოლოგიურად მომზადება და შესაბამისი რჩევების მიცემა;
• სწორი კომუნიკაცია სტუმართან - მორალური და ემოციური მხარდაჭერა შიშის ადვილად გადასალახად;
• პირველადი დახმარების გაწევა - საჭიროების შემთხვევაში, ინსტრუქტორმა უნდა იცოდეს დაზარალებულისთვის პირველადი დახმარების გაწევა, უნდა ჰქონდეს შესაბამისი გამოცდილება და სერტიფიკატი;
• მარშრუტის გაკონტროლება - გარემოს ინსპექტირება და მუდმივი კონტროლი, რომ ყველაფერი კარგად, სათანადოდ მუშაობს;
• აღჭურვილობის რეგულარული შემოწმება - რამდენჯერმე გადამოწმება და დარწმუნება, რომ ყველა ინსტრუმენტი და აღჭურვილობა გამართულია.

1. მსუბუქი წვიმა და ქარი
   • ზიპ-ლაინი ჩვეულებრივ აგრძელებს მუშაობას, თუ ქარის სიჩქარე და ნალექი არ აღემატება უსაფრთხოების სტანდარტს;
   • რეკომენდებულია წყალგამძლე ტანსაცმლის ტარება.
2. ძლიერი წვიმა, ქარიშხალი და ელჭექი
   • თუ ძლიერი წვიმა, ელჭექი ან მაღალი სიჩქარის ქარია, ზიპ-ლაინის მუშაობა დროებით უნდა შეწყდეს;
   • მომხმარებლებს ეცნობებათ ინფორმაცია დაშვების გადადების შესახებ და გადახდილი თანხის დაბრუნების პირობები;
3. თოვლი და ყინვა
   • ზამთრის სეზონზე ზიპ-ლაინი დაიხურება;
4. ამინდის გამო გადადება / გაუქმება

   თუ ზიპ-ლაინზე დაშვება ცუდი ამინდის გამო უნდა გაუქმდეს, შემოთავაზებული იქნება:

   • ჯავშნის გადატანა უფრო ხელსაყრელ თარიღში;
   • გადახდილი თანხის ანაზღაურება.

ზიპ-ლაინის უსაფრთხოების პოლიტიკა უნდა ატარებდეს ამინდის ცვლილებასთან დაკავშირებულ მკაფიოდ გამოხატულ წესებს და ამის შესახებ წინასწარ უნდა ეცნობოს მომხმარებელს.