ხუცუბნის ხიდი


ხუცუბნის თაღოვანი ხიდი ორი ასპექტითაა გამორჩეული: პირველი - იმით, რომ თაღოვანი ხიდების უმეტესობისგან განსხვავებით, ორი თაღისაგან შედგება და მეორე იმით, რომ თაღოვანი ხიდების უმეტესობისგანვე განსხვავებით, ამ ხიდზე ვერავინ იტყვის, თამარ მეფემ ააგოო. ან, თუ იტყვის, მაშინ იმის ახსნაც მოუწევს, როგორ გაჩნდა ხიდის კეხში მოთავსებულ ფილაზე ნამგალისა და უროს გამოსახულება ზედდართული ხუთქიმიანი ვარსკვლავით.

შესაბამისად, რთული მისახვედრი არ არის, რომ ხიდი საბჭოთა პერიოდში აშენდა და თავისი გამორჩეულად დასამახსოვრებელი ვიზუალის გამო შეუძლებელია სხვა ხიდებში აგერიოს. ესთეტიკური ტკბობის გარდა, ხიდი ასევე შეგიძლიათ გამოიყენოთ მდინარეში კენჭების სასროლად და მათ მიერ შექმნილ წრეებზე დაკვირვებისათვის, გოლფში სავარჯიშოდ, შეყვარებულთან ერთად გასასეირნებლად და ერთი ნაპირიდან მეორეზე გადასასვლელადაც კი.

ხუცუბნის ხიდი რკინა-ბეტონისა და ბაზალტის ქვისგან არის ნაგები. შესაბამისად, თუკი მისი თაღების ქვეშ მაინცდამაინც უზარმაზარ კუზე მდგარმა ოთხმა სპილომ არ გადაწყვიტა გაძრომა, კიდევ დიდხანს იდგება და გაუწევს სამსახურს იმ ადამიანებს, ვინც ცურვა არ იცის ან ვისაც, უბრალოდ, დასველება ეზარება.

 

ავტ: ბაქარ ადამაშვილი

კატეგორია

ხიდები

ქობულეთი


კონტაქტი

ქობულეთი

სხვა ადგილები

ალპური ბოტანიკური ბაღი

ხულო

ეროვნული პარკები

პეტრას ციხე

ქობულეთი

ციხეები

მტირალას ეროვნული პარკი

ქობულეთი

ეროვნული პარკები

ქობულეთის დაცული ტერიტორია

ქობულეთი

ეროვნული პარკები

კინტრიშის ეროვნული პარკი

ქობულეთი

ეროვნული პარკები

მაჭახელას ეროვნული პარკი

ხელვაჩაური

ეროვნული პარკები

გონიოს ციხე

ბათუმი

ციხეები

ხიხანის ციხე

ხულო

ციხეები