კინტრიშის ეროვნული პარკი


ეროვნული პარკი ქობულეთში, მდინარე კინტრიშის ხეობაში, სოფელ ცხემვანასა და ხინოს მთებს შორის ზღვის დონიდან 300-2500 მეტრ სიმაღლეზე  მდებარეობს, მისი საერთო ფართობი 13514 ჰა- ს შეადგენს. ხეობა ბათუმიდან 55 კილომეტრში მდებარეობს, ხოლო ქობულეთიდან ნაკრძალამდე 24 კილომეტრია.

კინტრიშის სახელმწიფო ნაკრძალი 1959 წელს დაარსდა. 2019 წლიდან დაცული ლანშაფტი გაუქმდა და დაარსდა კონტრიშის ეროვნული პარკი, სადაც გამოყოფილია სხვადასხვა ზონები:

1. ბუნების მკაცრი დაცვის ზონა;

2. ვიზიტოთა ზონა;

3. ტრადიციული გამოყენების ზონა.

კინტრიშის დაცულ ტერიტორიაზე ორი სხვადასხვა სირთულის ტურისტული ბილიკია. პირველი ბილიკი 1.200 კმ-იანია, მარშრუტზე მსველელობის დროს ვიზიტორებს შეუძლიათ ისარგებლონ  ამავე ბილიკზე, სოფელ ცხემვანაში არსებული ვიზიტორთა თავშესაფრით, საპიკნიკე და საკარვე ადგილით. მეორე მარშრუტი საშუალო სირთულისაა და ორ დღიანი, მარშრუტი იწყება ცხემვანას ვიზიტორთა თავშესაფრიდან და გზა გრძელდება ტბიყელის ტბისკენ, რომელიც ზღვის დონიდან 1900-2000 მეტრ სიმარლეზე მდებარეობს. ტბაში ბინადრობს  კავკასიური ტრიტონი, რომელის წითელ ნუსხაშია შეტანილი. მარშრუტის მანძილი ტბამდე 16 კილომეტრია. მარშრუტზე გადაადგილება შესაძლებელია როგორც ფეხით ასევე ცხენით.

კინტრიშის ნაკრძალის ტერიტორიაზე მაქსიმალურად შეზღუდულია ადამიანთა დაშვება. ნაკრძალში ვიზიტორთა შესვლა ნებადართულია მხოლოდ სამეცნიერო და საგანმანათლებლო მიზნით. ხოლო კინტრიშის დაცულ ტერიტორიაზე გადაადგილება შეიძლება მხოლოდ სპეციალურად გამოყოფილ ბილიკებზე

 ვიზიტორთათვის დაშვებულია:

  • მონიშნულ ბილიკზე სეირნობა;
  • ცხენით ან ფეხით გადაადგილება;
  • სამეცნიერო-საგანმანათლებლო საქმიანობა სპეციალური ნებართვით;
  • საპიკნიკე და საკარვე ადგილებით სარგებლობა;
  • კოცონის დანთება სპეციალურად გამოყოფილ ადგილებში;
  • ფოტო და ვიდეო გადაღებები, ხატვა ველურ ბუნებაში;
  • ფრინველებზე, ცხოველებსა და ბუნებაზე დაკვირვება;

კინტრიშის დაცული ლანდშაფტის ტერიტორიაზე დაშვებულია ტრადიციული სამეურნეო საქმიანობა, რეკრეაცია და ტურიზმი.

როგორ მივიდეთ :
1. მიკროავტობუსით (ქობულეთიდა სოფელ ჭახათის მიმართულებით. ღირებულება  1,50 ლარი. ხანგრძლივობა 40 წთ.)
2. ბათუმის კათოლიკური ეკლესის ტერიტორიიდა გადის მიკროავტობუსი ქობულეთის მიმართულებით  ყოველ 10-15 წუთში ფასი 1.50 ლარი
3. ტაქსით. ღირებულება 70-80 ლარი
4. ორგანიზებული ექსკურსიით.

აქტივობები: მიმდებარე სოფლების დათვალიერება, კულტურულ- ისტორიული ღირსშესანიშნაობების, ეკლესია მონასტრების, მე-12 საუკუნის ხიდის მონახულება

განთავსება და კვება:

განთავსება შესაძლებელია ადგილობრივ საოჯახო სასტუმრო სახლებში. ღამისთევა საუზმით ღირებულება 30-40 ლარი

კინტრიშის ეროვნულ პარკის სერვისებთან და მომსახურებასთან დაკავშირებული ყველა სხვა საჭირო ინფორმაცია შეგიძლიათ იხილოთ დაცული ტერიტორიების ოფიციალურ ვებ საიტზე Info@apa.gov.ge

ან  დარეკოთ მითითებულ ნომერზე :+995 (577) 59 21 12

კატეგორია

ეროვნული პარკები

ქობულეთი


კონტაქტი

ქობულეთი

სხვა ადგილები

ალპური ბოტანიკური ბაღი

თუ აქტიური ტურისტი ხართ და გეგმავთ აჭარაში მაქსიმალურად საიტერესო მოგზაურობა მოიწყოთ, ...

პეტრას ციხე

ისტორიულ -არქეოლოგიური კომპლექსი პეტრა-ციხისძირი VI საუკუნეში, იმპერატორ იუსტინია...

მტირალას ეროვნული პარკი

მტირალას ეროვნული პარკი ბათუმიდან 25 კილომეტრში მდებარეობს. 16 ათას ჰექტარზე გაშლილი პარკი ს...

ქობულეთის დაცული ტერიტორია

ისპანის სფაგნუმიანი ტორფნარები ბათუმიდან 28 კილომეტრში მდებარეობს. ისპანის უნიკალური ჭაობი-...

მაჭახელას ეროვნული პარკი

პარკი განთავსებულია ბათუმიდან 30 კილომეტრში, მდინარე მაჭახელას ხეობაში, თურქეთის საზღვართან ახლოს....

გონიოს ციხე

  ციხე მნიშვნელოვანი ისტორიული ძეგლია საქართველოში. პირველ საუკუნეში რომაელების მიერ ა...

ხიხანის ციხე

ხიხანის ციხე განსაკუთრებული მნიშვნელობით გამოირჩევა. ის სხალთა-ხიხიანის წყლის სათავეებთან, ბა...

ზენდიდის ციხე

ზენდიდის ციხე ბათუმიდან დაახლოებით 42 კილომეტრში, ხოლო ქედის ცენტრიდან 2 კილომეტრში მდებარეო...