სხალთა-ხიხანის ისტორიულ-კულტურული მარშრუტი მდინარე სხალთის ხეობასა და სოფელ ხიხაძირში, აჭარის ერთ-ერთ ყველაზე მაღალმთიან მუნიციპალიტეტში - ხულოში მდებარეობს.
სხალთა- ხიხანის ისტორიულ-კულტურული მარშრუტის ძირითადი მიმართულება იწყება სოფელ ზამლეთიდან და სოფელ ხიხაძირში სრულდება. აღნიშნულ მარშრუტზე მოგზაურობა ზამთარში არ არის რეკომენდებული დიდთოვლიანობის გამო.
შუახევის ცენტრიდან, ბათუმი-ახალციხის ცენტრალურ მაგისტრალზე 8 კილომეტრის გავლის შემდეგ, შეგხვდებათ ტურისტული მანიშნებელი. ნიშნულიდან გადაუხვევთ მარჯვნივ, სოფელ ზამლეთისკენ, საიდანაც იწყება მარშრუტის ძირითადი მიმართულება. სხალთა-ხიხანის მარშრუტი მთლიანად მარკირებულია, განთავსებულია ტურისტული მანიშნებლები, რაც გაგიმარტივებთ მოგზაურობას.
მარშრუტი გამოირჩევა ბუნებრივი ღირსშესანიშნაობებით, რომელიც მოგზაურობის დაწყებისთანავე მოგხვდებათ თვალში და არცერთ ტურისტს დატოვებს გულგრილს. გარდა ბუნებრივი ღირსშესანიშნაობებისა, მარშრუტი ასევე გამოირჩევა ისტორიულ-კულტურული ძეგლების სიმრავლით. სხალთისა და ხიხანის ხეობაში მდებარეობს XII-XIII საუკუნეში აგებული სხალთის მონასტერი და ხიხანის ციხე. ამავე მარშრუტზე მოგზაურობისას, ნახავთ ფურტიოს თაღოვან ხიდს, ციხიყელისა და ვარდციხის ციხეთა კომპლექსს, რომელთაგან დღეისთვის მხოლოდ ნანგრევებია შემორჩენილი. განსაკუთრებით საინტერესოა სხალთის ხეობაში მდებარე შერიფ ხიმშიაშვილის სახელობის მუზეუმი.
სოფელი ხიხაძირი ყველაზე ახლო დასახლებული პუნქტია ხიხანის ციხემდე. სოფელ ხიხაძირიდან ხიხანის მთის ძირამდე 8 კილომეტრია, რომლის გავლა შესაძლებელია ფეხით ან მაღალი გამავლობის ავტომობილით. ხიხანის ციხეზე ასასვლელი ბილიკი საკმაოდ ვიწრო და ციცაბოა, ამიტომ ფიზიკურ მზაობასა და ასასვლელად დაახლოებით 30- 60 წუთს მოითხოვს. ხიხანის ციხემდე მისასვლელი ვიწრო ბილიკის სიგრძე 1 კილომეტრია.
სხალთა-ხიხანის ისტორიულ მარშრუტზე მოგზაურობისას, ღამისთევა შესაძლებელია როგორც სხალთის ხეობაში, ასევე სოფელ ხიხაძირში მდებარე საოჯახო სასტუმრო სახლებში, სადაც შეძლებთ შესვენებას, წახემსებას, ღამისთევას და სურვილის შემთხვევაში რამდენიმე დღით დარჩენას.
ტრანსპორტი
სამარშრუტო მიკროავტობუსები:
ტელ: 0423 270095
ტრანსპორტისა და გიდების შესახებ დამატებითი ინფორმაციის მისაღებად დაუკავშირდით ტურისტულ საინფორმაციო ცენტრებს შემდეგ ტელეფონის ნომრებზე: +995 577 90 90 93 / +995 577 90 90 15
ან ადგილობრივ ტურისტულ სააგენტოებს, რომელთა კონტაქტებიც შეგიძლიათ იხილოთ ვებ-გვერდზე: www.infoajara.com
საგანგებო სიტუაციების მართვის სამსახური 112 (ემერჯენსი).
მდებარეობა: ხელვაჩაურის მუნიციპალიტეტიმარშრუტის დასაწყისი / დასასრული: ბათუმი - სოფელი ზედა ჩხ...
მარშრუტის ტიპი: საფეხმავლო, საცხენოსნომარშრუტის სიგრძე: ხულოს ცენტრიდან სოფ. ქედლებამდე - 4.8 კმ.; ხ...
მარშრუტის დასაწყისი: სოფელი აჭარისწყალი მარშრუტის სიგრძე ბათუმიდან ...
მარშრუტის ტიპი - საავტომობილომანძილი ბათუმიდან - 55 კილომეტრიმანძილი ქედიდან - 10 კი...
პარკის საერთო ტერიტორია: 15 698.8 ჰა მარშრუტის ტიპი: საავტომობილო-საფეხმავლო&nb...
მარშრუტის ტიპი: წრიული მარშრუტის სიგრძე - 50 კმგზის საფარი - ასფალტირებული, სასოფლო ...