ლაშქრობა

მაჭახელას ეროვნული პარკი:
ლაშქრობისათვის მაჭახლის ხეობა ერთ-ერთი საუკეთესო მიმართულებაა აჭარაში, ის ბათუმიდან 30 კილომეტრში მდებარეობს. პარკის ტერიტორიაზე 3 ტურისტული ბილიკი ფუნქციონირებს:

1) მთავარანგელოზის მთის ბილიკი - სამანქანო მარშრუტი (5კმ) იწყება სოფ. სინდიეთიდან და მთავრდება სოფლის ბოლო მოსახლის ეზოსთან, საიდანაც საფეხმავლო ბილიკი (4,1 კმ) ტყის მასივების, მთის ნაკადულებისა და წყაროების გავლით მთავარანგელოზის მთისკენ მიემართება.

2) ქოქოლეთის ბილიკი - სამანქანო მარშრუტი (9 კმ) ვიზიტორთა ცენტრიდან იწყება და მთავრდება სოფ. ქოქოლეთის ბოლო მოსახლის ეზოსთან და გრძელდება საფეხმავლო ბილიკით (6 კმ) კოლხური ტიპის ტყეში. ბილიკი გადის სასაზღვრო ზოლთან ახლოს. შესაბამისად, ტურის დაწყებამდე, 5 სამუშაო დღით ადრე, აუცილებელია საშვისთვის დაუკავშირდეთ მაჭახელას ეროვნული პარკის ადმინისტრაციას.

3) ტყუპი ჩანჩქერის ბილიკი - მარშრუტი ვიზიტორთა ცენტრიდან იწყება. გაივლის 10,3 კმ სამანქანო გზას და მიემართება სოფ. ზედა ქოქოლეთისკენ, საიდანაც საფეხმავლო ბილიკი გრძელდება ტყუპი ჩანჩქერის მიმართულებით.

 

მტირალას ეროვნული პარკი:
მტირალას ეროვნული პარკი ბათუმიდან 25 კილომეტრში მდებარეობს. ლაშქრობის მოყვარულთათვის პარკში 2 ბილიკი ფუნქციონირებს:

1) წაბლნარის წრიული ბილიკი (7 კმ) იწყება ვიზიტორთა ცენტრიდან და მიუყვება მდინარე ჩაქვისწყლის  ხეობას. მთავარი ღირსშესანიშნაობები: ზიპლაინი, ჩანჩქერი, ტბა.

2) ცივწყაროს ბილიკი (16 კმ) ვიზიტორთა ცენტრიდან იწყება (ზ.დ 260 მ.) და სრულდება ზ.დ-დან 1,250 მეტრზე. მარშრუტის გავლისას გზად გვხვდება ჩანჩქერი, ტბა, საპიკნიკე, კოლხური ტყე, ბუნებრივი წყაროები.

 

კინტრიშის ეროვნული პარკი:
კინტრიშის ეროვნული პარკი რთული და მრავალფეროვანი რელიეფით ხასიათდება. პარკი ორი სხვადასხვა სირთულის, მარკირებულ და კეთილმოწყობილ მარშრუტს გთავაზობთ:

1) თამარის თაღოვანი ხიდი (1 კმ.) - მარშრუტი იწყება მდინარე კინტრიშის ქვის თაღოვანი ხიდიდან და გრძელდება ცხემვანის წმინდა გიორგის სახელობის ეკლესიამდე.

2) უთხოვარი და ტბა ტბიყელი - (2 დღე, 37 კმ.) მარშრუტი იწყება ცხემვანის ვიზიტორთა თავშესაფრიდან, სოფ. დიდვაკეში და მიემართება დიდხნოვანი უთხოვრისაკენ,  გრძელდება ხინოწმინდის ეკლესიის ნანგრევებისაკენ და სრულდება ტბიყელის ტბასთან (მეორე დღე საჭიროა ცხემვანის ვიზიტორთა თავშესაფართან დასაბრუნებლად).

 

ქობულეთის ეროვნული პარკი
ისპანის სფაგნუმიანი ტორფნარები ბათუმიდან 28 კილომეტრში მდებარეობს. ისპანის ტორფნარზე 3 ტურისტული ბილიკია წარმოდგენილი:
1. ისპანი 2 -  ბილიკი 500 მეტრიანია, იგი პარკის შესასვლელიდან, გადასახედ კოშკამდე მიემართება.
2. თეთრი ხავსი - (1 კმ.) აღნიშნულ ბილიკზე თქვენ ნახავთ საქართველოს ფლორის იშვიათ სახეობებს.
3. დროზერას ბილიკი - (1 კმ.) ამ ტურისტული მარშრუტით ვიზიტიორს შეუძლია მოინახულოს ისპანი I, რომელიც წარმოადგენს ანთროპოგენულად ძლიერ სახეშეცვლილ ჭარბტენიანი ლანდშაფტის კლასიკურ მაგალითს.

 

თაგო-სხალთის საფეხმავლო მარშრუტი:
მარშრუტის საერთო სიგრძე - 9 კმ. თაგო - სხალთის საფეხმავლო მარშრუტი იწყება ხულოს ცენტრიდან (ბათუმიდან 85 კმ) და სხალთის ხეობაში სრულდება (ბათუმიდან 82 კმ.). მოცემული მარშრუტის საინტერესო დეტალია საბაგირო, რომელიც გასაოცარი ხედების ხილვის შესაძლებლობას გპირდებათ. ბილიკის უმეტესი ნაწილი დაუსახლებელ, ტყიან ადგილებში გადის, თუმცა ტრადიცული აჭარული სოფლის მონახულების საშუალებაც გექნებათ. 

 

გობრონეთი:
სოფელი გობრონეთის შემოგარენში, ლაშქრობის მოყვარულებს საინტერესო წრიული მარშრუტი გელით. მისი სიგრძე 12 კილომეტრია. მარშრუტზე მსვლელობისას მოინახულებთ ჩანჩქერს, კოლხურ ტყეს და ლატევრის მთის მიდამოებს. ბილიკის მეექვსე კილომეტრზე 22 მეტრი სიმაღლის ჩანჩქერს შეხვდებით. შემდეგი დანიშნულებაა ლატევრას მთა, რომელზე ასასვლელადაც 1 კილომეტრიანი ციცაბო მონაკვეთის გავლაა საჭირო. ლატევრის მთიდან 5 კილომეტრის გავლის შემდეგ წრიული მარშრუტი სრულდება.

ეროვნულ პარკებში შესვლა და მათი დათვალიერება უფასოა.

 

მაჭახელას ეროვნული პარკი:

სალაშქრო მოწყობილობის ქირაობის საფასური:* კარავი - 10 ლარი, საძილე ტომარა - 5 ლარი, ჰამაკი - 5 ლარი, საკარვე ადგილი - 5 ლარი, საპიკნიკე მაგიდა 6 ადამიანზე - 10 ლარი, სტუდენტი და სკოლის მოსწავლე - 5 ლარი, ხოლო 10 ადამიანზე - 15 ლარი, სტუდენტი და სკოლის მოსწავლე - 10 ლარი.

საკონტაქტო: ვიზიტორთა მომსახურების უფროსი სპეციალისტი - ნანა ბაუჟაძე, მობ: +995 595 08 60 75; ელ-ფოსტა: nana.baujadze@gmail.com

*COVID-19 პანდემიის გამო, ამ ეტაპზე, ქირავდება მხოლოდ საკარვე ადგილი

 

მტირალას ეროვნული პარკი:

ლაშქრობისათვის საჭირო ინვენტარის ქირაობა:* კარავი - 10 ლარი, საკარვე ადგილი - 5 ლარი, ზურგჩანთა - 5 ლარი, საძილე ტომარა - 5 ლარი, პარალონი - 5 ლარი, საპიკნიკე მაგიდა 5 ადამიანზე - 10 ლარი, სტუდენტი და სკოლის მოსწავლე - 5 ლარი, ხოლო 10 ადამიანზე - 15 ლარი, სტუდენტი და სკოლის მოსწავლე - 10 ლარი.
საკონტაქტო: ვიზიტორთა მომსახურების უფროსი სპეციალისტი - თეონა გვიანიძე +995 577 10 18 89; ელ-ფოსტა:  teogvianidze@gmail.com 

COVID-19 პანდემიის გამო, ამ ეტაპზე, ქირავდება მხოლოდ საკარვე და საპიკნიკე ადგილი.

 

კინტრიშის ეროვნული პარკი:

სალაშქრო ინვენტარის ქირაობა:* საკარვე ადგილი - 5 ლარი, კარავი - 10 ლარი, ზუგჩანთა - 5 ლარი, პარალონი - 3 ლარი, საპიკნიკე ადგილი - 15 ლარი, სტუდენტი და სკოლის მოსწავლე - 10 ლარი.

საკონტაქტო: ვიზიტორთა მომსახურების უფროსი სპეციალისტი - ნანა ნოღაიდელი +995 577 59 21 12; ელ-ფოსტა: n.noghaideli@gmail.com

 *COVID-19 პანდემიის გამო, ამ ეტაპზე, ქირავდება მხოლოდ საკარვე ადგილი.

 

ქობულეთის ეროვნული პარკი:

ფასიანი სერვისები: ჭაობზე სასიარულო თხილამურები 1 დღე - 2 ლარი, ჭოგრიტი 1 სთ - 2 ლარი.
საკონტაქტო: ვიზიტორთა მომსახურების სპეციალისტი - თამარ გოგიტიძე +995 577 10 18 97; +995 577 64 04 82, ელ-ფოსტა: tamar7gogitidze@gmail.com 

 

თაგო-სხალთის საფეხმავლო მარშრუტი:

თაგო-სხალთის საფეხმავლო მარშრუტზე სალაშქრო აღჭურვილობის ქირაობა არაა შესაძლებელი, ამიტომ თუკი ღამისთევას გადაწყვეტთ გთხოვთ, თან იქონიოთ საკუთარი აღჭურვილობა. განთავსება შესაძლებელია ასევე ადგილობრივ საოჯახო სასტუმროებში.
საკონტაქტო: საფეხმავლო ბილიკთან დაკავშირებით დამატებითი ინფორმაციისათვის შეგიძლიათ დაუკავშირდეთ ხულოს ტურისტულ საინფორმაციო ცენტრს: +995 577 90 90 15.
ელ-ფოსტა: ticbatumi@gmail.com

 

გობრონეთი:

სოფელ გობრონეთში ლატევრას მთის მარშრუტზე სალაშქრო ინვენტარის ქირაობა არაა შესაძლებელი, ამიტომ თან უნდა იქონიოთ საკუთარი აღჭურვილობა.
საკონტაქტო: მარშრუტთან დაკავშირებით დამატებითი კითხვების არსებობის შემთხვევაში შეგიძლიათ დაუკავშირდეთ ქედის ტურისტულ საინფორმაციო ცენტრს: +995 577 90 90 86.
ელ-ფოსტა ticbatumi@gmail.com


სხვა აქტივობები